აგფ-ინჰიბიტორები და სპირონოლაქტონი. წამლები, რომელთა ერთად მიღებაც არ შეიძლება

აგფ-ინჰიბიტორები (ლიზინოპრილი, კაპტოპრილი და „ილ“-ით დამთავრებული სხვა პრეპარატები) – უმნიშვნელოვანესი პრეპარატებია მაღალი არტერიული წნევის წინააღმდეგ.

აგფ (ანგიოტენზინგარდამქმნელი ფერმენტი) – ეს არის ფერმენტი, რომელიც მონაწილეობს  ნივთიერება ანგიოტენზინ II-ის პროდუქციაში, რომელიც ავიწროვებს სისხლძარღვებს. აგფ-ინჰიბიტორები ბლოკავენ ამ ფერმენტის პროდუქციას, შედეგად სისხლძარღვები ფართოვდება და წნევა ქვეითდება.

სპირონოლაქტონი (ვეროშპირონი) – ერთ-ერთი უმნიშვნელოვანესი პრეპარატია გულის უკმარისობის წინააღმდეგ. გულის უკმარისობი დროს გული მუშაობს ცუდად, უჭირს მეტი რაოდენობის სისხლის გადატუმბვა. სპირონოლაქტონს ორგანიზმიდან გამოაქვს ჭარბი მარილები და სითხე, სისხლის მოცულობა მცირდება და შესაბამისად გულზე დატვირთვაც. გარდა ამისა, ეს პრეპარატი ამცირებს გულის ნორმალური ქსოვილის ნაწიბუროვანით შეცვლას,რომელიც არ იმუშავებს.

რატომ არის მათი კომბინაცია საშიში?

აგფ-ინჰიბიტორებიც და სპირონოლაქტონიც ზრდიან სისხლში კალიუმის კონცენტრაციას. ამან შეიძლება გამოიწვიოს ჰიპერკალემია. ის საშიშია გულის რითმის და გამტარებლობის დარღვევით.

როგორ მოვიქცეთ:

1. რეგულარულად ჩააბარეთ სისხლის ანალიზი კალიუმის შესამოწმებლად
2. შეზღუდეთ იმ პროდუქტების მიღება, რომლებიც დიდი რაოდენობით კალიუმს შეიცავენ (ბანანი, ოსპი, ძირთეთრა, ბრიუსელის კომბოსტო, ბატატი).

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

სტატინები და ფლუკონაზოლი. წამლები, რომელთა ერთად მიღებაც არ შეიძლება

სტატინები – ძირითადი პრეპარატებია ქოლესტერინის დონის დასაქვეითებლად. ისინი ხელს უშლიან ღვიძლის მიერ ქოლესტერინის წარმოქმნას და ამიტომ, ღვიძლი იძულებულია გადაამუშავოს სისხლში უკვე არსებული ქოლესტერინი.

ფლუკონაზოლი (ფლუკოსტატი, დიფლუკანი) – ეს ერთ-ერთი საკვანძო სოკოს საწინააღმდეგო პრეპარატია. პირველ რიგში ის ეფექტურია კანდიდოზის წინააღმდეგ, რომელიც ყველაზე ხშირად აზიანებს სასქესო გზებს და პირის ღრუს.

რატომ არის მათი კომბინაცია საშიში?

სტატინები გადამუშავდება ღვიძლის ფერმენტების მიერ. ფლუკონაზოლი ამუხრუჭებს ამ ფერმენტების მოქმედებას, რაც იწვევს ორგანიზმში სტატინების მეტისმეტად დაგროვებას. დიდი რაოდენობის სტატინებს შეუძლიათ გამოიწვიონ რაბდომიოლიზი – კუნთების დაზიანება.

როგორ მოვიქცეთ

ვინაიდან ფლუკონაზოლი მიიღება ძალიან მოკლე კურსების სახით (ერთიდან რამოდენიმე დღემდე), მიზანშეწონილია ამ პერიოდში შეწყვიტოთ სტატინების მიღება.

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

საგულე ასპირინი და ტკივილგამაყუჩებელი საშუალებები. წამლები, რომელთა ერთად მიღებაც არ შეიძლება

საგულე ასპირინი – არის ყველა დროის ერთ-ერთი ყველაზე რევოლუციური პრეპარატი. მისი გამოყენება საშუალებას იძლევა რამდენჯერმე შემცირდეს სიკვდილი ინფარქტის და სტენოკარდიის დროს. საგულე ასპირინი (ასპირინი დაბალ დოზებში) ამუხრუჭებს ნივთიერება თრომბოქსანის პროდუქციას, რომელიც ხელს უწყობს თრომბის წარმოქმნას. შედეგად თრომბის განვითარების პროცესი ნელდება.

ყველაზე გავრცელებული ტკივილგამაყუჩებლებია – არასტეროიდული ანთების საწინააღმდეგო პრეპარატები (მაგ: იბუპროფენი). ისინი ბლოკავენ პროსტაგლანდინების სინთეზს, რომლებიც იწვევენ ანთებას და ტკივილს. ამიტომ, აასს ძალიან ეფექტურია პრაქტიკულად ყველა სახის ტკივილის დროს (თავის, სახსრის, კუნთის და სხვა).

რატომ არის მათი კომბინაცია საშიში?

პირველ რიგში, საგულე ასპირინსაც და არასტეროიდულ ანთების საწინააღმდეგო საშუალებასაც აქვთ გვერდითი ეფექტები კუჭის ლორწოვანის მიმართ; ამიტომ ერთდროულად მუდმივი მიღების დროს შეიძლება გამოიწვიონ  წყლული ან სისხლდენა კუჭიდან.

ასევე,  არასტეროიდული ანთების საწინააღმდეგო საშუალებები კონკურენციას უწევენ ასპირინს ერთი და იგივე ფერმენტისთვის. თუმცა, ამასთანავე ისინი ბლოკავენ უფრო ცუდად, ვიდრე ასპირინი. ამიტომ, ერთდროული მიღებისას შეიძლება მოხდეს საგულე ასპირინის ეფექტურობის შემცირება.

როგორ მოვიქცეთ:

1. ნუ მიიღებთ ამ მედიკამენტებს უზმოდ
2. მიიღეთ აასს საგულე ასპირინის შემდეგ ან 30წთ-ის შემდეგ, ან 8 სთ-ით ადრე
3. თუ იღებთ საგულე ასპირინს, შეეცადეთ არ მიიღოთ აასს საერთოდ. ტკივილის დროს ბევრ შემთხვევაში ეხმარება პარაცეტამოლი, რომელიც არ ურთიერთქმედებს ასპირინთან

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

ვარფარინი და ტკივილგამაყუჩებელი საშუალებები. წამლები, რომელთა ერთად მიღებაც არ შეიძლება

ვარფარინი – არის პრეპარატი, რომელიც აქვეითებს სისხლის შედედების უნარს. ის ამცირებს სისხლის შედედების ცილა-ფაქტორების წარმოქმნას. ამიტომ, სისხლი თხიერდება და მცირდება თრომბის წარმოქმნის რისკი. ყველაზე ხშირად ვარფარინს ნიშნავენ მოციმციმე არითმიის დროს, რომლის დროსაც გულში წარმოიქმნება თრომბები, რომლებიც შეიძლება დაიძრას თავის ტვინისკენ და გამოიწვიოს ინსულტი.

მთავარი საშიშროება მდგომარეობს იმაში, რომ ვარფარინის ზედოზირების დროს იზრდება სისხლდენების და ქალაშიდა სისხლჩაქცევების რისკი.

რატომ არის მათი კომბინაცია საშიში?

სისხლის შედედების უნარის დაქვეითება – არასტეროიდული ანთების საწინააღმდეგო საშუალებები ცნობილი გვერდითი ეფექტია. ამიტომ აასს-ის კომბინაცია ვარფარინთან მნიშვნელოვნად ზრდის საშიში სისხლდენების რისკს.

როგორ მოვიქცეთ

თუ იღებთ ვარფარინს, თავი აარიდეთ აასს-ის ჯგუფის ტკივილგამაყუჩებლებს. მათ ნაცვლად გამოიყენეთ პარაცეტამოლი – უმეტეს შემთხვევაში ის კარგად ცვლის აასს-ს.

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

გაცივების და ალერგიის საწინააღმდეგო წამლები. წამლები, რომელთა ერთად მიღებაც არ შეიძლება

ანტიჰისტამინური პრეპარატები – ყველაზე გავრცელებული ალერგიის საწინააღმდეგო საშუალებებია. ისინი ამცირებენ ჰისტამინის გამოთავისუფლებას, რომელიც იწვევს ალერგიის ყველა უსიამოვნო ეფექტს: ქავილი, სიწითლე, ცრემლდენა და სხვა. ანტიჰისტამინური პრეპარატები კი ეფექტურად აღმოფხვრიან ყველა ამ სიმპტომს.

გაცივების საწინააღმდეგო პრეპარატები შეიცავენ რამოდენიმე მოქმედ ნივთიერებას. როგორ წესი, ესენია:

1. პარაცეტამოლი – თავის ტკივილის მოსახსნელად და ტემპერატურის დასაქვეითებლად.
2. ნივთიერება სისხლძარღვების შესავიწროვებლად, რათა შემცირდეს ცხვირის ლორწოვანის შეშუპება, ამ გზით კი გამონადენი.
3. ანტიჰისტამინური პრეპარატი – მოცემულ შემთხვევაში ის ამცირებს ანთებითი რეაქციის მოვლენებს (ცემინება, ცრემლდენა და ა.შ)

ამგვარად, ეს პრეპარატები საკმაოდ ეფექტურად აღმოფხვრიან სურდოსა და გრიპის სიმპტომებს. თუმცა ვირუსს არ ებრძვიან, ეს არ უნდა დაგავიწყდეთ!

გახსოვდეთ! ეს პრეპარატები – არ არის უბრალოდ „გემრიელი ჩაი“! ადვილია მათით ზედოზირება. არ არის რეკომენდებული დღეში 4 პაკეტზე მეტის მიღება.

რატომ არის მათი კომბინაცია საშიში?

ალერგიისა და გაცივების საწინააღმდეგო წამლების შემადგენლობაში შედის ანტიჰისტამინური პრეპარატები.

ამ წამლების გვერდითი ეფექტი არის – ძილიანობა. ამიტომ, ორივეს ერთდროულად მიღების შემთხვევაში რისკავთ, რომ მთელი დღით დაკარგოთ  მხნეობა.

გარდა ამისა, ასეთი პრობლემა შეიძლება გახდეს დიდი საფრთხის მიზეზი, თუ ატარებთ მანქანას.

როგორ მოვიქცეთ

თუ იღებთ გაცივების საწინააღმდეგო წამლებს, დროებით უარი თქვით ანტიჰისტამინური პრეპარატების მიღებისგან ან მიიღეთ მეორე-მესამე თაობის პრეპარატები (ტელფასტი, ერიუსი, კლარიტინი და სხვა), რომლებიც ნაკლებად მოქმედებს ნერვულ სისტემაზე.

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

ვერაპამილი და ბეტა-ბლოკატორები. წამლები, რომელთა ერთად მიღებაც არ შეიძლება

ვერაპამილი მიეკუთვნება კალციუმის ბლოკატორების ჯგუფს. კალციუმი ავიწროვებს სისხლძარღვებს. ვერაპამილი ბლოკავს მის მოქმედებას – სისხლძარღვები ფართოვდება, რაც იწვევს ორ მნიშვნელოვან ეფექტს: ქვეითდება არტერიული წნევა და უმჯობესდება გულის სისხლმომარაგება, იშემიური ტკივილები ქრება.

ვერაპამილის პოტენციური საშიშროება მდგომარეობს იმაში, რომ ის ასევე ბლოკავს გულის გამტარი სისტემის კალციუმის არხებს, ამიტომ შეიძლება გამოიწვიოს ბრადიკარდია და გულშიდა ბლოკადა.

ბეტა-ბლოკატორები (ატენოლოლი, მეტოლოლი და სხვა „ოლ“-ზე დაბოლოებული პრეპარატები – უმნიშვნელოვანესი პრეპარატებია გულის უკმარისობის სამკურნალოდ. გულის უკმარისობის დროს გული ძნელად გადატუმბავს სისხლს ორგანიზმში. ბეტა-ბლოკატორები ერთი მხრივ ამცირებენ გულის შეკუმშვებს, მეორე მხრივ კი – მათი ეფექტურობა იზრდება.

ეს პრეპარატები ასევე ართულებენ გულის გამტარ სისტემაში ელექტრული იმპულსის გატარებას.

რატომ არის მათი კომბინაცია საშიში?

ვერაპამილიც და ბეტა-ბლოკატორებიც ამცირებენ გულის შეკუმშვას. ამიტომ, მათმა კომბინაციამ შეიძლება გამოიწვიოს გულისცემის ძლიერი შენელება (ბრადიკარდია და გულშიდა ბლოკადა). ყველაზე ცუდ შემთხვევაში – ამან შეიძლება გამოიწვიოს გულის მუშაობის გაჩერება.

როგორ მოვიქცეთ

გააკონტროლეთ პულსი დღეში რამოდენიმეჯერ და ჩაინიშნეთ. გამოხატული ბრადიკარდიის დროს (წუთში 50-ზე ნაკლები) მიმართეთ ექიმს.

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

ლოპერამიდი და კალციუმი. წამლები, რომელთა ერთად მიღებაც არ შეიძლება

ლოპერამიდი (იმოდიუმი) – ყველაზე გავრცელებული საშუალებაა ფაღარათის სამკურნალოდ. იყიდება რეცეპტის გარეშე სხვადასხვა დასახელებით. ის ამცირებს მოტორიკას და ამშვიდებს ნაწლავს, ამიტომ პაციენტი ნაკლებად გადის ტუალეტში. უნდა აღინიშნოს, რომ ლოპერამიდის გამოყენება არ შეიძლება, თუ ფაღარათი დაკავშირებულია ინფექციასთან (ანუ როდესაც ადგილი აქვს ცხელებას, შემცივნებას, ცუდ თვითშეგრძნებას). ასეთ შემთხვევაში მიკრობები დაყოვნდებიან ნაწლავში, რასაც თან მოსდევს ინფექციის დამძიმება.

კალციუმი – შედის ორი არარეცეპტურული პრეპარატების ჯგუფის შემადგენლობაში:

1. პრეპარატები ძვლისთვის (D ვიტამინთან კომბინაციაში). მას იყენებენ ქალები მენოპაუზის შემდეგ, რათა შემცირდეს ოსტეოპოროზის განვითარების რისკი.
2. ანტაციდები (პრეპარატები დამწვრობისთვის) – კალციუმი შედის ზოგიერთი წამლის შემადგენლობაში, რომლებიც აქვეითებენ კუჭის წვენის მჟავიანობას.

რატომ არის მათი კომბინაცია საშიში?

ლოპერამიდის ძირითადი მოქმედებაა – ნაწლავის მოტორიკის შენელება, კალციუმს კი აქვს ანალოგიური გვერდითი ეფექტი. ამიტომ, მათმა კომბინაციამ შეიძლება გამოიწვიოს მკაფიოდ გამოხატული მტკივნეული  ყაბზობა.

როგორ მოვიქცეთ

თუ დაიწყეთ ლოპერამიდის მიღება ფაღარათის სამკურნალოდ, შეისვენეთ კალციუმის პრეპარატის მიღებამდე. წინააღმდეგ შემთხვევაში ფაღარათი შეიძლება შეიცვალოს ყაბზობით.

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

ანტიბიოტიკები და ორალური კონტრაცეპტივები. წამლები, რომელთა ერთად მიღებაც არ შეიძლება

ანტიბიოტიკები – არის ნივთიერებები, რომლებიც გამომუშავდება ერთი ცოცხალი ორგანიზმის მიერ მეორის გასანადგურებლად. პირველი ანტიბიოტიკი გამოყო ალექსანდრე ფლემინგმა 1928 წელს, რისთვისაც მიიღო ნობელის პრემია. მას შემდეგ ანტიბიოტიკებმა შეცვალეს კაცობრიობის ცხოვრება. დაიწყეს იმ დაავადებების მკურნალობა, რომლებიც ადრე სასიკვდილოდ ითვლებოდა: პნევმონია, ტუბერკულოზი, მენინგიტი და სხვა ინფექციები. სწორედ ანტიბიოტიკების წყალობით მოხდა მე-20 საუკუნის დემოგრაფიული აფეთქება, როდესაც მოსახლეობა გაიზარდა გეომეტრიული პროგრესიით. ანტიბიოტიკები – მედიცინის ნამდვილი სასწაულია.

ორალური კონტრაცეპტივები – გამოშვების ფორმის მიუხედავად, ჰორმონალური კონტრაცეპტივების მოქმედების პრინციპი ერთნაირია: ჰორმონალური ფონის შეცვლა ისე, რომ ოვულაცია (საკვერცხიდან კვერცხუჯრედის გამოსვლა), შესაბამისად კი დაორსულება შეუძლებელია. აქვს კიდევ არანაკლებ მნიშვნელოვანი მოქმედება: ისინი ცვლიან საშვილოსნოს ყელის ლორწოვანის კონსისტენციას და ის ხდება შეუღწევადი სპერმატოზოიდებისთვის. გარდა არასასურველი ორსულობის თავიდან აცილებისა, ჰორმონალური კონტრაცეპტივები ახდენენ დადებით ზემოქმედებას ქალის ორგანიზმზე მთლიანობაში: ამცირებენ მკერდის და საკვერცხეების სიმსივნის რისკს, ეწინააღმდეგებიან მუწუკების გამოვლენას, ამსუბუქებენ ციკლის მიმდიანრეობას და სხვა.

რატომ არის მათი კომბინაცია საშიში?

ამ პრეპარატების კომბინაციამ შეიძლება შეამციროს ჩასახვის საწინააღმდეგო ტაბლეტების ეფექტურობა და რისკავთ დაორსულებას. მიზეზი ორია:

1. ნაწლავში მიკრობები აუმჯობესებენ ჰორმონების შეწოვას. ე.ი ჰორმონები უფრო ხანგრძლივად რჩებიან ორგანიზმში და მეტი დროით იცავენ არასასურველი ორსულობისგან. ანტიბიოტიკები ანადგურებენ ნაწლავის მიკრობებს, ჰორმონები არ შეიწოვება, ამიტომ მათი უმეტესობა უბრალოდ გამოიდევნება განავალთან ერთად.
2. ბევრი ანტიბიოტიკი ასტიმულირებს ღვიძლის ფერმენტების მუშაობას, ამიტომ ისინი გაძლიერებულად იწყებენ ჰორმონების დაშლას. შედეგად, სისხლში კონტრაცეპტივების კონცენტრაცია ქვეითდება, მასთან ერთად კი ორსულობის თავიდან აცილების უნარის ეფექტურობაც.

როგორ მოვიქცეთ

თუ უნდა მიიღოთ ანტიბიოტიკები და კონტრაცეპტივები ერთად, გამოიყენეთ პრეზერვატივი.

https:// www. zdorovieinfo. ru/ exclusive/smertelnye-pary-lekarstva-kotorye-nelzya-prinimat-vmeste/
გადასვლა >> პრეპარატების თავსებადობა

პრეპარატების თავსებადობა

მრავალი პრეპარატის შემთხვევაში, თავსებადობის განსაზღვრა რთული, ძვირადღირებული სამუშაოა, რომელიც ფარმაკოლოგიის ერთ-ერთი მთავარი ამოცანაა.  ამგვარი სამუშაოების აუცილებლობის შემთხვევაში, სპეციალისტთა მოსაწვევად დაგვიკავშირდით  >>>
ინგლისურად და რუსულად არსებობს პრეპარატების თავსებადობის ავტომატური სისტემები, რომლებიც გვაწვდიან ელემენტარულ ინფორმაციებს პრეპარატის თავსებადობის შესახებ სხვა პრეპარატებთან. შეგიძლიათ იხილოთ: პრეპარატების თავსებადობის ავტომატური სისტემა რუსულ ენაზე >>>

თანამედროვე მედიცინა წარმოუდგენელია თანამედროვე წამლების გარეშე. სამწუხაროდ, ზოგიერთ წამალს აქვს საშიში მეწყვილე – წამალი, რომელთან ერთად მიღებაც იწვევს გვერდით ეფექტებს.

• ანტიბიოტიკები და ორალური კონტრაცეპტივები
• ლოპერამიდი და კალციუმი
• ვერაპამილი და ბეტა-ბლოკატორები
• გაცივებისა და ალერგიის საწინააღმდეგო წამლები
• ვარფარინი და ტკივილგამაყუჩებელი საშუალებები
• საგულე ასპირინი და ტკივილგამაყუჩებელი საშუალებები
• სტატინები და ფლუკონაზოლი
• აგფ-ინჰიბიტორები და სპირონოლაქტონი

.