იცით ტობიზილს რა უკუჩვენებები აქვს?
ტობიზილის უკუჩვენებებია: – გაზრდილი მგრძნობელობა ტერბინაფინის ან პრეპარატის სხვა ნებისმიერი კომპენენტის მიმართ; – 3 წლამდე ბავშვთა ასაკი, სხეულის მასით 20 კგ-ზე ნაკლები (არ არსებობს მონაცემები გამოყენებაზე); – ღვიძლის მძიმე, ქრონიკული ან აქტიური დაავადება; – თირკმლის ფუნქციის დარღვევები (კრეატინინის კლირენსი 50 მლ/წთ-ზე ნაკლები ან კრეატინინის კონცენტრაცია სისხლის შრატში 300 მკმოლ/ლ-ზე მეტი), ვინაიდან პრეპარატის გამოყენება პაციენტების მოცემულ კატეგორიაში არ არის საკმარისად შესწავლილი. სიფრთხილით თუ გაგაჩნიათ ერთ-ერთი ჩამოთვლილთაგანი დაავადება, პრეპარატის გამოყენების წინ, აუცილებლად გაიარეთ კონსულტაცია ექიმთან. აუცილებელია სიფრთხილის დაცვა პრეპარატის დანიშვნისას ღვიძლის ფუნქციის დარღვევის მქონე პაციენტებში. პრეპარატის გამოყენებისას სიფრთხილე უნდა დაიცვან ძვლის ტვინის სისხლწარმოქმნის დათრგუნვა, კანის წითელი მგლურას ან სისტემური წითელი მგლურას მქონე პაციენტებმა. პრეპარატი სიფრთხილით უნდა მიიღონ პაციენტებმა ისეთი თანმხლები დაავადებებით, როგორიცაა ფსორიაზი და წითელი მგლურა, მოცემული დაავადებების შესაძლო გამწვავების გამო. გამოყენება ორსულობისას და ძუძუთი კვების პერიოდში ექსპერიმენტური კვლევების მონაცემები საფუძველს არ გვაძლევს ვივარაუდოთ არასასურველი მოვლენები ნაყოფზე ფერტილური და ტოქსიკური მოქმედებების მიმართ. ტერბინაფინის გამოყენების კლინიკური გამოცდილება ორსულ ქალებში შეზღუდულია, რის შედეგადაც სასურველი არ არის პრეპარატის გამოყენება ორსულობის დროს, იმ შემთხვევების გამოკლებით, როდესაც მოსალოდნელი სარგებელი თერაპიის ჩატარებისგან დედისათვის აღემატება ნაყოფისთვის პოტენციურ რისკს. ტერბინაფინი გამოიყოფა დედის რძესთან ერთად, ამიტომ პრეპარატი უკუნაჩვენებია ძუძუთი კვების პერიოდში. მონაცემები ადამიანებში ფერტილობაზე პრეპარატის გავლენის შესახებ არ არსებობს. ვირთხებზე კვლევებმა არ გამოავლინა არასასურველი გავლენა ფერტილობასა და რეპროდუქციულ უნარზე. გამოყენების წესი და დოზები მკურნალობის ხანგრძლივობა დამოკიდებულია ჩვენებისა და დაავადების მიმდინარეობის სიმძიმეზე. პრეპარატი მიიღება შიგნით, საკვების მიღების დამოუკიდებლად, წყლის საკმაო რაოდენობის მიყოლებით. პრეპარატის მიღება სასურველია ერთი და იგივე დროს. მკურნალობის ხანგრძლივობა დამოკიდებულია ჩვენებასა და დაავადების მიმდინარეობის სიმძიმეზე. მოზრდილები 250 მგ 1-ჯერ დღე-ღამეში. კანის საფარის ინფექციები მკურნალობის რეკომენდებული ხანგრძლივობა: ტერფის დერმატომიკოზები (თითებშორისი, ტერფის ან ცერების ტიპის მიხედვით) – 2-6 კვირა; ტანის, წვივების დერმატომიკოზი – 2-4 კვირა; კანის კანდიდოზი – 2-4 კვირა. ინფექციის გამოვლინების და მასთან დაკავშირებული ჩივილების სრული გაქრობა შეიძლება დადგეს მიკოლოგიური განკურნებიდან რამდენიმე კვირის შემდეგ. თმებისა და თავის თმიანი ნაწილის ინფექციები მკურნალობის რეკომენდებული ხანგრძლივობა: თავის თმიანი ნაწილის მიკოზების – 4 კვირა. თავის თმიანი ნაწილის მიკოზები უპირატესად აღინიშნება ბავშვებში. ონიქომიკოზი უმრავლესობა პაციენტებში მკურნალობის ხანგრძლივობა შეადგენს 6-დან 12 კვირამდე. მტევნების ონიქომიკოზის დროს, უმრავლესობა შემთხვევაში, სამკურნალოდ საკმარისია 6 კვირა. ტერფების ონიქომიკოზის დროს, უმრავლესობა შემთხვევაში, სამკურნალოდ საკმარისია 12 კვირა. ზოგიერთ ავადმყოფს, რომლებსაც გააჩნიათ ფრჩხილის ზრდის დაბალი სიჩქარე, მკურნალობა შეიძლება დასჭირდეთ უფრო ხანგრძლივად. ოპტიმალური კლინიკური ეფექტი შეიმჩნევა მიკოლოგიური განკურნებისა და თერაპიის შეწყვეტიდან რამდენიმე თვის შემდეგ. ეს განისაზღვრება დროის იმ პერიოდით, რაც აუცილებელია ჯანმრთელი ფრჩხილის გასაზრდელად. გამოყენება ბავშვებში მონაცემები პრეპარატის გამოყენებაზე ბავშვებში 3 წელზე ნაკლებ ასაკში (რომელთა სხეულის მასა, ჩვეულებრივ, 12 კგ-ზე ნაკლებია) არ არსებობს. პრეპარატის გამოყენება ბავშვების სამკურნალოდ 20 კგ-ზე ნაკლები სხეულის მასით არ არის რეკომენდებული დოზის ადექვატური შერჩევის შეუძლებლობის გამო. გამოყენება 3-დან 12 წლამდე ბავშვებში 20 კგ-ზე მეტი სხეულის მასით, მიზანშეწონილია მხოლოდ იმ შემთხვევაში, როდესაც თერაპიის დადებითი მოსალოდნელი ეფექტი აღემატება მსგავსი მოქმედების განვითარების პოტენციურ რისკს. მკურნალობის ხანგრძლივობა და დოზები დამოკიდებულია ბავშვის სხეულის მასაზე. 3 წელზე უფროსი ასაკის ბავშვებს პრეპარატი ენიშნებათ 1-ჯერ დღე-ღამეში. ერთჯერადი დოზა შეადგენს: ბავშვებისთვის სხეულის მასით 20-დან 40 კგ-მდე – 125 მგ; 40 კგ-ზე მეტი – 250 მგ. გამოყენება ხანდაზმული ასაკის პაციენტებში საფუძველი არ გაგვაჩნია ვივარაუდოთ, რომ ხანდაზმული ასაკის პაციენტებისთვის პრეპარატის დოზირების რეჟიმის შეცვლა ან, რომ მათ აღენიშნებათ გვერდითი მოქმედებები, რომლებიც განსხვავდება უფრო ახალგაზრდა პაციენტებისგან. პრეპარატის ტაბლეტების ამ ასაკობრივ ჯგუფში გამოყენების შემთხვევაში, უნდა გაითვალისწინოთ ღვიძლის ან თირკმელების ფუნქციის თანხლები დარღვევის შესაძლებლობა.
გაფრთხილება!
გაეცანით საიტებს: 1. პრეპარატების საძიებლები 2. აფთიაქები, ფასები, ფასდაკლებები
თანხლება სოციალურ ქსელებში: 1. მედიკამენტები და სხვა სააფთიაქო საქონელი 2. სამკურნალო პრეპარატები