იცით კალუმიდს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

კალუმიდის გვერდითი მოვლენებია:  – ჩვეულებრივ პაციენტები პრეპარატს კარგად იტანენ, იშვიათ შემთხვევაში გვერდითი რეაქციის გამო საჭირო იყო მკურნალობის შეწყვეტა. პრეპარატის ფარმაკოლოგიური მოქმედების გამო შესაძლებელია ადგილი ჰქონდეს სახის ჰიპერემიას, კანის ქავილს, სარძევე ჯირკვლების ჰიპერმგრძნობელობას, გინეკომასტიას, რაც მცირდება ქირურგიული კასტრაციის შემდეგ. პრეპარატის მიღებას შეიძლება თან ახლდეს დიარეა, გულისრევა, ღებინება, სისუსტე და კანის სიმშრალე. – ღვიძლის ფუნქციის დარღვევას (ტრანსამინაზების მომატება, ქოლესტაზი, სიყვითლე) მხოლოდ იშვიათად ჰქონდა მძიმე ფორმა. ხშირად მკურნალობის შეწყვეტისას ან მკურნალობის დროს ის ნაკლებ გამოხატულ ფორმას იღებდა ან ნორმალიზდებოდა. – პაციენტებში, რომლებიც იღებდნენ ბიკალუტამიდს, ღვიძლის უკმარისობა ვითარდებოდა ძალიან იშვიათად და მისი მკურნალობასთან კავშირი დადგენილი არ არის. ხანდახან თავს იჩენდა გულ-სისხლძარღვთა სისტემის მხრივ დარღვევები (სტენოკარდია, ეკგ-ზეPR და QT ინტერვალების გაზრდა, არითმია და არასპეციფიური ცვლილებები). – კლინიკურ კვლევებში ბიკალუტამიდის კომბინირებული მიღებისას მჰრფ-ს ანალოგთან შემთხვევათა e~1% აღინიშნებოდა ქვემოთ ჩამოთვლილი გვერდითი მოვლენები, თუმცა მათი კავშირი მკურნალობასთან არ არის დადასტურებული, ვინაიდან სიმპტომების უმეტესობა შეიძლება აიხსნას პაციენტების ხანდაზმული ასაკით: გ.ს.ს.: გულის უკმარისობა. ს.მ.ს.: ანორექსია, პირის სიმშრალე, დისპეფსია, ყაბზობა, მეტეორიზმი. ც.ნ.ს.: თავბრუსხევა, უძილობა, მომატებული ძილიანობა, ლიბიდოს დაქვეითება. სასუნთქი სისტემა: დისპნოე. გამომყოფი სისტემა: იმპოტენცია, ნიქტურია. სისხლმბადი სისტემა: ანემია. კანის საფარი: გამონაყარი, გაძლიერებული ოფლიანობა, ჰირსუტიზმი. ენდოკრინული სისტემა: შაქრიანი დიაბეტი, ჰიპერგლიკემია, სხეულის მასის მატება ან კლება. სხვა: ტკივილი მუცელში, მკერდში, მცირე მენჯში, თავის ტკივილი, შეშუპებები, შემცივნება.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით ომესამი კარდიოს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

ომესამი კარდიო გვერდითი მოვლენებია: გვერდითი ეფექტების სიხშირე განისაზღვრება შემდეგი თანმიმდევრობით: ხშირი (შემთხვევათა 1-10%); არახშირი (შემთხვევათა 0.1-1%); იშვიათი (შემთხვევათა 0.01-0.1%); ძალიან იშვიათი (0.01%-ზე ნაკლები), მათ შორის ერთეული შემთხვევები. ინფექციური პროცესები: გასტროენტერიტი არახშირად. იმუნური სისტემის მხრივ: არახშირად მომატებული მგრძნობელობა. ნივთიერებათა ცვლის და კვების დარღვევები: იშვიათად ჰიპერგლიკემია. ნერვული სისტემის მხრივ: არახშირად თავბრუსხვევა, დისგევზია (გემოს გაუკუღმართება), იშვიათად თავის ტკივილი. სისხლძარღვოვანი დარღვევები: ძალიან იშვიათად არტერიული წნევის დაქვეითება. სუნთქვეის ორგანოების, გულმკერდის და შუასაყარის მხრივ: ძალიან იშვიათად ცხვირის სიმშრალე. კუჭ-ნაწლავის ტრაქტის მხრივ: ხშირად დისპეფსია, გულისრევა; არახშირად ტკივილი მუცლის არეში, გასტრიტი; ძალიან იშვიათად სისხლდენა კუჭ-ნაწლავის ტრაქტის ქვედა ნაწილებიდან. ღვიძლის მხრივ: იშვიათად ღვიძლის ფუნქციის დარღვევა. კანის და კანქვეშა ცხიმოვანი ქსოვილის მხრივ: იშვიათად აკნე, ქავილით მიმდინარე გამონაყარი; ძალიან იშვიათად ჭინჭრის ციება. გამოკვლევის პროცესში: ძალიან იშვიათად აღინიშნება სისხლში ლეიკოციტების, ლაქტატდეჰიდროგენაზის მომატება. ერთეული გვერდითი ეფექტების შემთხვევები. ნივთიერებათა ცვლის და კვების დარღვევები: გაზრდილი მოთხოვნილება ინსულინზე (სტანდარტული დოზის მომატებუის აუცილებლობა). დარღვევები ღვიძლის მხრივ: “ღვიძლის” ფერმენტების აქტივობის მომატება დარღვევები კანისა და კანქვეშა ქსოვილის მხრივ: ვარდისფერი აკნე, გამონაყარი, სიწითლე/ერითემა, ჭინჭრის ციება გულმკერდის, კისრის და მხრების მიდამოში. გამოკვლევის პროცესში აღინიშნა ერთეული შემთხვევები სისხლში კრეატინფოსფოკინაზას მომატების, მიალგიის, ალტ / ასტ და სხეულის მასის მომატების შესახებ.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით ვიზანას რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

ვიზანას გვერდითი მოვლენებია:  გვერდით მოვლენებს უფრო ხშირად ადგილი აქვს ვიზანის მიღების პირველ თვეებში და მათი სიხშირე მცირდება პრეპარატით მკურნალობის პროცესში. ყველაზე ხშირი გვერდითი მოვლენები, რომლებიც შეიძლება განიხილებოდეს პრეპარატის მიღებისთან კავშირში, არის: თავის ტკივილი (9,0%), დისკომფორტი სარძევე ჯირკვლებში (5,4%), განწყობის  დაქვეითება (5,1%) და აკნე (5,1%). ქვევით მოყვანილია არასასურველი სამკურნალწამლო რეაქციები, რომლებიც განაწილებულია ორგანოების სისტემის კლასების მიხედვით MedDRA-ის შესაბამისად. გვერდითი მოვლენები ყოველ ჯგუფში წარმოდგენილია სიხშირის კლების მიხედვით. სიხშირის მაჩვენებლები დაფუძნებულია ოთხი კლინიკური გამოკვლევის შეჯამების საფუძველზე, რომელშიც მონაწილეობდა 332 პაციენტის მონაწილეობით (100%). ხშირად (≥1/100 და <1/10): სხეულის მასის მატება, განწყობის დაქვეითება, განწყობის ცვალებადობა, ძილის დარღვევა, ნევროზულობა, ლიბიდოს დაკარგვა, თავის ტკივილი, შაკიკი, გულისრევის შეგრძნება, ტკივილები მუცელში, ფლატულენცია, მუცლის შებერვა, ღებინება, აკნე, ალოპეცია, ტკივილები ზურგში, დისკომფორტი სარძევე ჯირკვლებში, საკვერცხის კისტა, ალები, საშოს/ვაგინალური სისხლდენები, მათ შორის საშოდან გამონადენი, ასთენიური მდგომარეობები, გაღიზიანებადობა. არახშირად (≥1/1000 და <1/100): ანემია, სხეულის მასის კლება,გაზრდილი მადა,  შფოთი, დეპრესიული მდგომარეობა, განწყობის ცვალებადობა,პერიფერიული ნერვულის სისტემის დისბალანსი, ყურადღების მოშლა, თვალების სიმშრალე, ხმაური ყურებში, სიხლის მიმოქცევის არასპეციფიური დარღვევა, გულის ცემის გაძლიერება, არტერიული ჰიპოტეზია, ქოშინი, გინგივიტი, დისკომფორტი მუცლის არეში, დიარეა, ყაბზობა, კუჭნაწლავის ტრაქტის ანთებითი დაავადებები, კანის საფარის სიმშრალე, ჰიპერჰიდროზი, ქავილი, ჰირსუტიზმი, ონიქოკლაზია, ქერტლი, დერმატიტი, თმის ზრდის დარღვევა, ფოტომგრძნობელობის რეაქციები, პიგმენტაციის დარღვევა, ტკივილები ძვლებში, კრუნჩხვები, ტკივილები კიდურებში, კიდურებში სიმძიმის შეგრძნება, შარსადენი გზების ინფექციები, ვაგინალური კანდიდოზი, სიმშრალე ვულვავაგინალურ არეში, გამონადენი სასქეს გზებიდან, ტკივილები მენჯის მიდამოში, ატროფიული ვულვოვაგინიტი, სარძევე ჯირკვლები შემკვრივებები, ფიბროზულ-კისტოზური მასტოპათია, სარძევე ჯირკვლების დიფუზური გამკვრივება, შეშუპებები.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით დექსაპოსს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

დექსაპოსის გვერდითი მოვლენებია: პრეპარატის ჩაწვეთების შემდეგ. შესაძლებელია გაჩნდეს ხანმოკლე წვის შეგრძნება პრეპარატის ხანგრძლივი გამოყენება შეიძლება გახდეს მეორადი გლაუკომისა და კატარაქტის გაჩენის მიზეზი, ამიტომ პრეპარატის 2 კვირაზე მეტ ხანს გამოყენებისას და, ასევე, ანამნეზში გლაუკომის მქონე პაციენტებისათვის რეკომენდირებულია თვალის შიდა წნევის რეგულარული კონტროლი. გვერდითი ეფექტების გამოვლენის შემთხვევაში უნდა შეწყდეს პრეპარატის გამოყენება და, რაც შეიძლება უფრო სწრაფად, მიმართეთ ოფთალმოლოგს.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით ვენლაქსორს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

ვენლაქსორის გვერდითი მოვლენებია: გვერდითი ეფექტების გაჩენა დაკავშირებულია დოზირებასთან. გვერდითი ეფექტები, თუ ისინი ვლინდება, ყველაზე ხშირად შეინიშნება თერაპიის დასაწყისში და, ჩვეულებრივ, ქრება მკურნალობის პირველი კვირეების განმავლობაში.  გავრცელების სიხშირის მითითებით გამოიყენება შემდეგი კლასიფიკაცია: ძალიან ხშირად (≥1/10), ხშირად ((≥ 1/100 < 1/10-მდე), უფრო იშვიათად (≥ 1/1,000 < 1/100-მდე), იშვიათად (≥ 1/10,000 < 1/1,000-მდე), ძალიან იშვიათად (< 1/10,000).  გულსისხლძარღვთა სისტემის მხრიდან: ხშირად – არტერიული წნევის მომატება, გულისცემა, უფრო იშვიათად – ჰიპოტენზია/პოსტურალური ჰიპოტენზია, გულის რითმის დარღვევა, ძალიან იშვიათად – Qთ ინტერვალის მატება, პარკუჭოვანი ტაქიკარდია, პარკუჭების ფიბრილაცია. ნერვული სისტემის მხრიდან: ძალიან ხშირად – თავბრუსხვევა, სიმშრალე პირში, უძილობა, ნერვოზულობა, ძილიანობა, ხშირად – კოშმარული სიზმრები, აღგზნება, შიში, ცნობიერების არევა, კუნთების ტონუსის მომატება, პარესთეზია, კანკალი, უფრო იშვიათად – აპათია, ჰალუცინაციები, მიოკლონუსი (კუნთის უეცარი სპაზმი), იშვიათად – თანასწორობისა და მოძრაობების კოორდინაციის დარღვევა, მეტყველების დარღვევა, მანია ან ჰიპომანია; ავთვისებიანი ნეიროლეპტიური სინდრომი, კრუნჩხვები, სეროტონინის სინდრომი, ძალიან იშვიათად – დელირიუმი, ექსტრაპირამიდული დარღვევები.  საჭმლის მომნელებელი სისტემის მხრიდან: ძალიან ხშირად – ყაბზობა, გულისრევა, ხშირად – მადის დაკარგვა, დიარეა, ღებინება, დისპეფსია, გემოს აღქმის დარღვევა, უფრო იშვიათად – ბრუქსიზმი (კბილების უნებლიე ღრჭენა), იშვიათად – კუჭ-ნაწლავის სისხლდენები, ძალიან იშვიათად – პანკრეატიტი.  სასუნთქი სისტემის მხრიდან: ხშირად –ქოშინი. შარდ-სასქესო სისტემის მხრიდან: ძალიან ხშირად – ერექციის დარღვევა, ეაკულაციის/ორგაზმის დარღვევა, ხშირად – გახშირებული შარდვა, ლიბიდოს დაქვეითება, მენსტრუალური ციკლის დარღვევა, უფრო იშვიათად – შარდვის შეკავება, მენორაგია, იშვიათად – გალაქტორეა.  სისხლმბადი ორგანოების მხრიდან: იშვიათად – სისხლჩაქცევები, სისხლდენები ლორწოვანი გარსებიდან, იშვიათად – სისხლდენის დროის ზრდა, ჰემორაგიები, თრომბოციტების რიცხვის შემცირება, ძალიან იშვიათად – აგრანულოციტოზი, აპლასტიური ანემია, ნეიტროპენია, პანციტოპენია.  ნივთიერებათა ცვლის მხრიდან: ხშირად – შრატში ქოლესტერინის კონცენტრაციის მომატება (ხანგრძლივი დანიშვნისას და მაღალი დოზების გამოყენებისას), სხეულის მასის მომატება ან შემცირება, უფრო იშვიათად – ღვიძლის ფერმენტების აქტიურობის მომატება, ჰიპონატრიემია (ნატრიუმის დონის შეცვლა სისხლში), ანტიდიურეტიკული ჰორმონის (ადჰ) არასაკმარისი სეკრეცია, იშვიათად – ჰეპატიტი, ძალიან იშვიათად – პროლაქტინის დონის მომატება.  გრძნობის ორგანოების მხრიდან: ხშირად – მხედველობის დარღვევა, მიდრიაზი, ყურში ხმაური. კანისა და კანქვეშა ქსოვილის დარღვევები: ძალიან ხშირად – ოფლიანობა, ხშირად – კანის გამონაყარი, ქავილი, უფრო იშვიათად – ანგიონევროტიკული შეშუპება, მაკულოპაპულოზური გამონაყარი, ჭინჭრის გამონაყარი, ფოტოსენსიბილიზაცია, ძალიან იშვიათად – სტივენს-ჯონსონის სინდრომი, ერყტჰემა მულტიფორმე. საყრდენ-მამოძრავებელი აპარატის მხრიდან: ხშირად – ართრალგია, მიალგია, უფრო იშვიათად – მოძრაობის დარღვევები.  სხვა: ძალიან ხშირად – სისუსტე, თავის ტკივილი, ხშირად – ჟრჟოლა, სხეულის ტემპერატურის მომატება, იშვიათად – ანაფილაქსია (მომატებული მგრძნობელობის მძიმე გამოვლინება). თუ გაგიჩნდათ მსგავსი ან სხვა ზემოთ აღუნიშნავი სიმპტომები, კონსულტირება გაიარეთ ექიმთან პრეპარატის შემდგომ გამოყენებაზე.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით ენზალ D-ს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

ენზალ D-ის გვერდითი მოვლენებია: პრეპარატის რეკომენდებული დოზით მიღებისას გვერდითი მოვლენები: არ აღინიშნება. იშვიათად მოსალოდნელია დისპეფსიური მოვლენები, ალერგიული რეაქციები – კანის სიწითლე (განსაკუთრებით სახისა და კისრის არეში), გამონაყარი კანზე.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით ეუფილინს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

ეუფილინის გვერდითი მოვლენებია: ვენაში შეყვანისას – მტკივნეულობა. ვენაში სწრაფად შეყვანისას – თავბრუსხვევა, თავის ტკივილი, ტაქიკარდია, გულისრევა, ღებინება, კრუნჩხვები, არტერიული წნევის მკვეთრი დაქვეითება ასეთ შემთხვევებში წყვეტენ პრეპაპატის შეყვანას და ატარებენ შესაბამის სიმპტომატური თერაპიას.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით ტაქსოტერს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

ტაქსოტერის გვერდითი მოვლენებია:  ტაქსოტერის ყველაზე გავრცელებულ გვერდით მოვლენას წარმოადგენს შექცევადი ნეიტროპენია.ნეიტროფილების რაოდენობა მცირდება მინიმალურ რაოდენობამდე 7 დღის შემდეგ, გამოხატული ნეიტროპენიის საშუალო ხანგრძლივობა (ნაკლები, ვიდრე 500 კუბმმ-ში) ასევე შეადგენს 7 დღეს. გამოვლენილია თრომბოციტოპენის და ანემიის შემთხვევები. მაღალი მგრძნობელობის რეაქცია: ჩვეულებრივ ვლინდება ტაქსოტერის გადასხმის დაწყებიდან რამდენიმე წუთში და ვლინდება მსუბუქად, ან ზომიერად გამოხატული რეაქციებით (წამოხურება გამონაყარი, ქავილი, მკერდის არეში შებოჭვის შეგრძნება, ტკივილი ზურგის არეში, ქოშინი, წამლისმიერი ცხელება ან შემცივნება), მძიმე რეაქციის დროს გამოხატული არტერიული ჰიპოტონიით და/ან ბრონქოსპაზმით, ან გენერალიზებული გამონაყარით: ერითემა, რომელიც ქრება ინფუზიის შეწყვეტის და ადექვატური მკურნალობის შემდეგ. კანისა და კანის დანამატების მხრივ: ალოპეცია, მსუბუქი ან ზომიერად გამოხატული კანის რეაქციები. ნაკლებად აღინიშნება გამოხატული გამონაყარი ან კიდურების (ხელის გული, ტერფი) შემოსაზღვრული ერითემა შეშუპებით და შემდგომი აქერცვლით, რომელიც მოითხოვს დოცეტაქსელით მკურნალობის შეჩერებას ან შეწყვეტას. ფრჩხილების მძიმე ხასიათის დაზიანება (ონიქოლიზისი) გვხვდება იშვიათად. აგრეთვე ძალიან იშვიათად გვხდება ბულოზური გამონაყარის შემთხვევები (ლაიელისა და სტივენს-ჯონსონის სინდრომი). სითხის შეკავება: აღწერილია პერიფერიული შეშუპებისა და იშვიათად პლევრული და პერიკარდიული გამონაჟონის შემთხვევები, ასციტი, ცრემლდენა კონიუნქტივიტთან ერთად (ან მის გარეშე) და სხეულის მასის გადიდება. პერიფერიული შეშუპებები ვლინდება ძირითადად ქვედა კიდურებზე, ხოლო შემდგომში შეიძლება გახდეს გენერალიზებული, რომლის შემდეგაც სხეულის წონა შესაძლოა გაიზარდოს 3 კგ-ით ან მეტით. სითხის შეკავების სიხშირემ და გამოხატულებამ შეიძლება მოიმატოს პრეპარატის ხელმეორედ შეყვანისას; ტაქსოტერის საშუალო ჯამური დოზები, რომლის დროსაც აღწერილი სითხის შეკავება შეადგენდა:პრემედიკაციის ჩატარების შემთხვევაში 818.9 მგ/კვ.მ., ხოლო პრემედიკაციის ჩატარების გარეშე 487.7 მგ/კვ.მ. ზოგიერთ შემთხვევაში იგი ვლინდებოდა თერაპიის პირველი კურსის ჩატარებისას. სითხის შეკავებას არ ახლდა მწვავე ოლიგურია და არტერიული ჰიპოტონია. იშვიათ შემთხვევაში სითხის შეკავებას ერთვოდა დეჰიდრატაცია და ფილტვების შეშუპება. კუჭ-ნაწლავის ტრაქტის მხრივ: გულისრევა, ღებინება, დიარეა, ანორექსია, ყაბზობა, სტომატიტი, გემოვნების დარღვევა, ეზოფაგიტი, ტკივილი კუჭის არეში, იშვიათად კუჭ-ნაწლავიდან სისხლდენა. პერიფერიული ნერვული სისტემის მხრივ: პერიფერიული ნეიროპათია მსუბუქი ან ზომიერი პარესთეზიით გამოვლენილი, დიზესთეზია ან ტკივილი, წვის ჩათვლით, მოძრაობის დარღვევები გამოხატული სისუსტით. ზემოთ ჩამოთვლილი ცვლილებების შექცევადობა აღინიშნებოდა  35.3% ავადმყოფებში, რომელთაც ჩაუტარდათ ტაქსოტერით მკურნალობა დოზით 100 მგ/კვ.მ. აღნიშნული დარღვევები დამოუკიდებლად ქრებოდა 3 თვის განმავლობაში. გულ-სისხლძარღვთა სისტემის მხრივ: გულის რითმის დარღვევა, გულის უკმარისობა, არტერიული წნევის მომატება ან დაქვეითება. ძალიან იშვიათად აღინიშნებოდა ვენური თრომბოემბოლია და მიოკარდიუმის ინფარქტი. ღვიძლის და ბილიარული სისტემის მხრივ: იმ პაციენტებში, რომელთაც უტარდებოდათ მონოთერაპია ტაქსოტერით დოზით 100 მგ/კვ.მ, შრატის მიერი ალტ, ასტ, ბილირუბინის და ტუტე ფოსფატაზის დონის სისხლის შრატში მომატება ნორმის ზედა ზღვართან შედარებით 2.5-ზე მეტად. აღინიშნება 5%-ზე ნაკლებ შემთხვევაში. იმ პაციენტებში, რომელთაც უტარდებოდათ მონოთერაპია ტაქსოტერით, დოზით 75 მგ/კვ.მ აღინიშნა მხოლოდ შრატისმიერი ბილირუბინის დონის მომატება 2%-ზე ნაკლებ შემთხვევაში. იმ პაციენტებში, რომელთაც უტარდებოდათ კომბინირებული თერაპია ტაქსოტერით დოზით 75 მგ/კვ.მ, შრატისმიერი ალტ, ასტ მომატება აღინიშნა 1%-ზე ნაკლები, ხოლო ბილირუბინის და ტუტე ფოსფატაზის – 2.5%-ზე ნაკლებ შემთხვევაში. სხვა რეაქციები: რეაქციები შეყვანის ადგილას გამოვლინდა ზომიერად და გამოიხატა შემდეგი სახით: ჰიპერპიგმენტაციები, ანთებები, შეწითლებები ან კანის სიმშრალე, ფლებიტები, სისხლჩაქცევები, ან ვენის შეშუპება. ძალიან იშვიათად ვითარდებოდა რესპირატორული დისტრეს სინდრომი და ინტერსტიციული პნევმონია, ასევე აღინიშნა ასთენია, ართრალგია და მიალგია.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით რელადორმს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

რელადორმის გვერდითი მოვლენებია: როგორც ყველა პრეპარატს, ასევე რელადორმს შეუძლია გვერდითი მოვლენები: ს გამოწვევა. ხშირი გვერდითი მოვლენები: ა: ძილიანობა, შენელებული რეაქციები, თავის ტკივილი და თავბრუსხვევა, ცნობიერების დარღვევა და დეზორიენტაცია, ატაქსია. იშვიათად: საერთო სისუსტე, ზოგჯერ გონების დაკარგვა, პირის სიმშრალე, მხედველობის დარღვევა (არამკვეთრი მხედველობა, მხედველობის გაორება), მეტყველების დარღვევა, მეხსიერების დარღვევები (ამნეზია), კუნთების ტრემორი, დარღვევები კუჭ-ნაწლავის სისტემის მხრივ, ლიბიდოს დაქვეითება, მენსტრუალური ციკლის მოშლა, ღვიძლის ფუნქციის დარღვევები, სისხლის მორფოლოგიური სურათის ცვლილებები (ლეიკოციტების და გრანულოციტების რაოდენობის შემცირება სისხლში), შარდის შეუკავებლობა, სისხლის არტერიული წნევის უმნიშვნელო დაქვეითება, კანის ალერგიული რეაქციები, პარადოქსული რეაქციები _ ფსიქომოტორული შფოთვა, უძილობა, მომატებული აგზნებადობა და აგრესიულობა, კუნთების ტრემორი, კრუნჩხვები. პარადოქსული რეაქციები, უფრო ხშირად შეინიშნება ალკოჰოლის მიღების შემდეგ, ხანდაზმულ და ფსიქიურად დაავადებულ პაციენტებში. თუ გამოვლინდა: მხედველობის დარღვევა, ანურია, სისხლმბადი სისტემის ფუნქციის დაღვევევები, ღვიძლის ფერმენტების აქტივობის მომატება, სიყვითლე _ აუცილებელია პრეპარატ რელადორმის მიღების შეწყვეტა. პრეპარატის სისტემატურმა გამოყენებამ რამდენიმე კვირის მანძილზე, შეიძლება გამოიწვიოს წამლისმიერი დამოკიდებულება, ასევე აბსტინენციური სინდრომის გამოვლენა პრეპარატის მიღების უეცრად შეწყვეტის შემთხვევაში. პრეპარატ რელადორმის მოქმედების მიმართ განსაკუთრებით მგრძნობიარე არიან ხანდაზმული პაციენტები, რომელთაც ხშირად აღენიშნებათ დაღლილობის შეგრძნება და მოძრაობის კოორდინაციის დარღვევა. წამლისმიერი დამოკიდებულება: ბენზოდიაზეპინების, ბარბიტურატების და მსგავსი მოქმედების პრეპარატების გამოყენებამ, შეიძლება გამოიწვიოს ფსიქიკური და ფიზიკური დამოკიდებულების განვითარება. წამლისმიერი დამოკიდებულების განვითარების რისკი იზრდება დოზის და მკურნალობის ხანგრძლივობის გაზრდასთან ერთად, ალკოჰოლური დამოკიდებულების მქონე პაციენტებში და ასევე პაციენტებში, რომელთაც ანამნეზში აღენიშნებათ სხვა სამკურნალო საშუალებებისადმი დამოკიდებულება. ბენზოდიაზეპინის და ციკლობარბიტალის კომბინაცია ამაღლებს წამლისმიერი დამოკიდებულების და ტოქსიურობის განვითარების პოტენციურ რისკს. წამლისმიერი დამოკიდებულების განვითარების შემთხვევაში, რელადორმის მკვეთრმა შეწყვეტამ, შეიძლება გამოიწვიოს აბსტინენციური სინდრომი. აბსტინენციური სინდრომის დამახასათიებელი სიმპტომებია: თავის ტკივილი, კუნთების ტკივილი, აგზნებადობა და ემოციური დაძაბულობა, მოძრაობითი მოუსვენრობა, ცნობიერების დაბინდვა და დეზორიენტაცია, გაღიზიანებადობა, უძილობა. მძიმე შემთხვევებში, შეიძლება გამოვლინდეს: რეალობის შეგრძნების დაკარგვა (დერეალიზაცია), პიროვნული დარღვევა, მომატებული მგძნობელობა შეხებაზე (ტაქტილური ჰიპერესთეზია), სმენითი და მხედველობითი გამაღიზიანებლების მიმართ მომატებული მგრძნობელობა (აკუსტიკური და სინათლისმიერი ჰიპერესთეზია), “ჭიანჭველების ცოცვის” შეგრძნება, კიდურების Gდაბუჟება, ჰალუცინაციების და კრუნჩხვითი შეტევები. არსებობს მონაცემები იმის შესახებ, რომ ხანმოკლე მოქმედების ბენზოდიაზეპინების და მსგავსი პრეპარატების მიღების შემთხვევაში, აბსტინენციური სინდრომის გამოვლენა, შესაძლებელია ცალკეული დოზების მიღებებს შორის შუალედში, განსაკუთრებით, თუ პრეპარატი მიიღება დიდი დოზებით. ანტეგრადული ამნეზია რელადორმმა, შეიძლება გამოიწვიოს ანტეგრადული ამნეზია. ასეთი მდგომარეობა, ყველაზე ხშირად შეინიშნება პრეპარატის მიღებიდან რამდენიმე საათში, განსაკუთრებით, დიდი დოზის მიღების დროს. რეკომენდებულია რელადორმის მიღება ძილის წინ ერთი საათით ადრე და 7_8 საათიანი უწყვეტი ძილის პირობების უზრუნველყოფა. პარადოქსული რეაქციები რელადორმმა, შეიძლება გამოიწვიოს პარადოქსული რეაქციები, როგორიცაა: მოძრაობითი მოუსვენრობა, გაღიზიანებადობა, აგზნებადობა, აგრესიულობა, კოშმარული სიზმრები, ჰალუცინაციები, ფსიქოზი, სომნაბულიზმი, პიროვნული დაღვევა, გამოხატული უძილობა და სხვა ქცევითი გვერდითი მოქმედება. აღნიშნული რეაქციები გაცილებით ხშირად აღენიშნება ხანდაზმულ პაციენტებს, ან ალკოჰოლური დამოკიდებულების მქონე პაციენტებს.  ასეთი სიმპტომების გამოვლენის შემთხვევაში, საჭიროა პრეპარატის მიღების დაუყონებლივი შეწყვეტა და ექიმის კონსულტაცია.

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები

იცით კეტამინს რა გვერდითი მოვლენები აქვს?

By preparatebiაგვისტო 19, 2019პრეპარატების გვერდითი მოვლენები, სხვა

კეტამინის გვერდითი მოვლენებია: არტერიული ჰიპერტენზია (თიოპენტალისგან განსხვავებით), ტაქიკარდია, ცნს-ის აგზნება (კორექცია დიაზეპამით).

 

 

გაფრთხილება!
გაეცანით საიტებს: 1. ნეტკლინიკა
თანხლება სოციალურ ქსელებში: 1. ექიმთა კლუბი 2. ექიმთა და ფარმაცევტთა კონსულტაციები